ໂດຍການສະໜັບສະໜູນຈາກອົງການສະຫະປະຊາຊາດ ເພື່ອ ການພັດທະນາ ພາຍໃຕ້ການເປັນປະທານຂອງທ່ານ ອາລຸນແກ້ວ ກິດຕິຄຸນ ຜູ້ຊ່ວຍລັດຖະມົນຕີວ່າການກະຊວງການຕ່າງປະເທດ ຫົວໜ້າເຈົ້າໜ້າທີ່ອາວຸ ໂສອາຊຽນຂອງ ສປປ ລາວ ມີຜູ້ແທນເຂົ້າຮ່ວມຈາກກະຊວງການຕ່າງປະເທດ ແລະ ຕາງໜ້າຈາກບັນດາກະຊວງ ແລະ ຂະແໜງການອື່ນໆທີ່ກ່ຽວ ຂ້ອງ ສະຫະພັນແມ່ຍິງ ແລະ ຜູ້ຕາງໜ້າຈາກ UNDP.

ກອງປະຊຸມໃນຄັ້ງນີ້ ແມ່ນເພື່ອສະຫຼຸບຜົນຂອງການຈັດຕັ້ງປະຕິບັດໂຄງການຊ່ວຍເຫຼືອດັ່ງກ່າວ ໃນໄລຍະ 1 ປີຜ່ານມາ ເຊິ່ງໂຄງການດັ່ງກ່າວແມ່ນເພື່ອ ສ້າງຄວາມເຂັ້ມແຂງໃຫ້ ສປປ ລາວ ໃນການເຊື່ອມໂຍງເຂົ້າກັບອາຊຽນຢ່າງມີປະສິດທິພາບ ແລະ ຮັດແໜ້ນຂອດປະສານງານພາຍໃນສປປລາວ ກ່ຽວກັບການເຄື່ອນໄຫວວຽກງານອາຊຽນ ໂດຍສະເພາະກອງເລຂາອາຊຽນແຫ່ງຊາດ ກັບບັນດາຈຸດປະສານງານອາຊຽນຢູ່ແຕ່ລະກະຊວງ ແລະ ອົງການ ອ້ອມຂ້າງສູນກາງ ແລະ ທ້ອງຖິ່ນໃຫ້ມີຄວາມເຂັ້ມແຂງ ໃນໂອກາດດຽວກັນນີ້ ກອງປະຊຸມຍັງໄດ້ສືບຕໍ່ສະເໜີແຜນວຽກງານສຳລັບປີ 2010 ໂດຍເນັ້ນ ໃສ່ການຈັດຕັ້ງຜັນຂະຫຍາຍກົດບັດອາຊຽນ ແລະ ການສ້າງປະຊາຄົມອາຊຽນ ອັນປະກອບດ້ວຍ 3 ແຜນແມ່ບົດ ຄື: ແຜນແມ່ບົດຂອງປະຊາຄົມການ ເມືອງ ແລະ ຄວາມໝັ້ນຄົງອາຊຽນ ແຜນແມ່ບົດຂອງປະຊາຄົມເສດຖະກິດອາຊຽນ ແລະ ແຜນແມ່ບົດຂອງປະຊາຄົມສັງຄົມວັດທະນະທຳອາຊຽນ ແນ ໃສ່ຮັບປະກັນການສ້າງປະຊາຄົມອາຊຽນໃຫ້ສຳເລັດໃນປີ 2015.